اسحاق ڈار اور یواے ای کے نائب وزیر اعظم کے درمیان ٹیلی فونک رابطہ،خطے کی صورتحال پرگفتگو

اسلام آباد:نائب وزیر اعظم محمد اسحاق ڈار اور متحدہ عرب امارات کے نائب وزیر اعظم اور وزیر خارجہ عبداللہ بن زید النہیان کے مابین ٹیلیفونک گفتگو ہوئی۔

ترجمان دفتر خارجہ کے مطابق دونوں رہنماوٴں نے خطے کی بدلتی ہوئی صورتحال پر تبادلہ خیال کیا اور امن و استحکام کی اہمیت پر زور دیا۔

نائب وزیر اعظم اسحاق ڈار نے حالیہ علاقائی حملوں، جن میں متحدہ عرب امارات پر ہونے والے حملے بھی شامل ہیں، پر تشویش کا اظہار کیا اور متحدہ عرب امارات اور اس کے عوام کے ساتھ پاکستان کی یکجہتی کا اظہار کیا۔