عمران خان کی توشہ خانہ کیس منتقلی کی درخواست مسترد

اسلام آباد: عدالت نے بابر اعوان کی یقین دہانی پر عمران خان کی ضمانت میں کل تک توسیع جب کہ توشہ خانہ کیس جوڈیشل کمپلیکس منتقل کرنے کی درخواست مسترد کردی۔

ڈسٹرکٹ اینڈ سیشن کورٹ اسلام آباد میں عمران خان کی جانب سے ان کے وکیل بابر اعوان نے سکیورٹی خدشات کے پیش نظر درخواست دائرکی۔

درخواست میں کہا گیا کہ ایجنسیوں کی رپورٹس کے تحت کچہری میں سکیورٹی الرٹ جاری ہے، پہلے بھی دہشت گردی کے واقعات ہوچکے ہیں، عمران خان کے ساتھ عام شہریوں کو بھی ضلعی کچہری میں خطرہ ہے۔

یہ بھی پڑھیں:

وکیل بابر اعوان کا کہنا تھا کہ عمران خان کل اسلام آباد کی عدالتوں میں آئیں گے، دو کیسز جوڈیشل کمپلیکس اور ایک ضلع کچہری میں ہے،کل توشہ خانہ کیس میں آپ کی عدالت میں عمران خان نے پیش ہونا ہے، وزیراعظم، چیف کمشنر، وزیرداخلہ اور آئی جی اسلام آباد سے ضلعی کچہری میں سکیورٹی کی گارنٹی لیں۔

عمران خان کے وکیل بابر اعوان کی جانب سے کہا گیا کہ سائل (عمران خان)کی 27 اور 28 فروری کو عدالت میں پیشی کی تاریخ مقرر ہے،  وہ 28 فروری کو عدالت میں پیش ہوں گے۔

جج نے ریمارکس دیئے کہ عدالت کو منتقل کرنیکا دائرہ اختیار میرے پاس بھی نہیں۔

دوسری جانب عدال نے عمران خان کی ضمانت خارج کرنے اور پمز سے طبی معائنے کی استدعا بھی مسترد کردی۔