عمران خان پیش نہ ہو تو گرفتار کرنا چاہئے، مریم اورنگزیب

اسلام آباد: وفاقی وزیر اطلاعات و نشریات مریم اورنگزیب نے کہا ہے کہ ”گھڑی چور، توشہ خانہ چور پیش ہو“ کی آوازیں لگائی جا رہی ہیں لیکن عمران خان غائب ہے، عمران خان پیش نہ ہو تو گرفتار کرنا چاہئے، جیل بھرنے کا شوق بھی پورا ہو جائے گا۔

مریم اورنگزیب نے کہا کہ عدالت پوچھ رہی ہے کہ ملزم کہاں ہے؟ جواب ملا ”وقت کا نہیں بتا سکتے“عدالت پوچھ رہی ہے کہ ملزم کس وقت پیش ہوگا، جواب ملا ”عمران خان سے رابطہ نہیں ہو رہا“عدالت گھڑی چور کی حاضری کا پوچھ رہی ہے جو اب تک پیش نہیں ہوا، فارن ایجنٹ ضمانت کرانے بینکنگ کورٹ پر مہربانی کر رہا ہے،

توشہ خانہ کیس میں فرد جرم عائد ہونی ہے وہاں سے بھی یہ مفرور ہے، واہ بھئی واہ۔ مریم اورنگزیب نے کہا کہ نواز شریف بیٹی کے ہمراہ روز عدالت پیش ہوسکتا تھا تو عمران خان، بشریٰ بی بی اور فرح گوگی کے ساتھ کیوں نہیں پیش ہو سکتا؟

عمران خان دیکھا ! وقت آنے پر جواب خود ہی دینا پڑتا ہے، بشریٰ اور گوگی نے بھی ساتھ چھوڑ دیا ہے۔ انہوں نے کہا کہ گھڑی چور اور فارن ایجنٹ براہ راست جیل عدالت جائیں گے یا سیدھا عدالت۔

گھڑی چور فارن ایجنٹ جواب دینا کہ توشہ خانہ کیوں لوٹا؟ خانہ کعبہ کی گھڑی کیوں بیچی؟ بشریٰ بی بی نے توشہ خانہ کے ہیروں کے ہار کیوں بیچے؟ عدالت میں پیش ہوکر جواب دیں۔

انہوں نے کہا کہ فارن ایجنٹ جواب دیں کہ خیرات کے پیسے سیاست پر کیوں لگائے؟ اپنے ملازمین کے نجی اکائونٹس کو منی لانڈرنگ کے لئے کیوں استعمال کیا؟ شوکت خانم ہسپتال کی خیرات کا پیسہ پرائیویٹ ہائوسنگ سوسائٹی میں کیوں لگایا؟

ووٹن کرکٹ کلب سے لاکھوں ڈالر کیوں لئے؟ خیرات کا پیسہ سیاست میں کیوں لگایا؟ فارن فنڈنگ ملک کے خلاف کیوں استعمال کی؟۔\