چین پاکستان کی مدد کو آگیا،قرض کی پہلی قسط موصول

اسلام آباد: چینی بینک نے پاکستان کیلئے 1.3 ارب ڈالر قرض رول اوور کرنے کی منظوری دے دی۔

وفاقی وزیر خزانہ سینیٹر محمد اسحاق ڈار اپنے ٹویٹ میں پیغام دیا کہ قرض کی رقم چین سے پاکستان کو 3 اقساط میں ملے گی، 500 ملین امریکی ڈالر میں سے پہلی رقم اسٹیٹ بینک کو موصول ہو چکی ہے۔ یہ غیر ملکی زرمبادلہ کے ذخائر میں اضافہ کرے گا۔

Formalities completed & Chinese Bank, ICBC approved rollover of US$1.3 billion facility which has been repaid by Pakistan to ICBC in recent months. Facility will be disbursed in 3 instalments, first one of US$500 million has been received by SBP. It will increase forex reserves!

— Ishaq Dar (@MIshaqDar50) March 3, 2023

قبل ازیں جمعے کو پریس کانفرنس میں وزیر خزانہ نے کہا تھا کہ ملک کی معیشت کے لیے فنانسنگ بہت اہم ہے کیونکہ ہمیں ادائیگی کے توازن کے بحران کا سامنا ہے، اسٹیٹ بینک کے پاس غیر ملکی ذخائر بمشکل تین ہفتوں کی درآمدات کے باقی ہیں۔