گیس سلنڈر پھٹنے سے 6 افراد جاں بحق

کوئٹہ: کوئٹہ کے علاقے سرکی روڈ پر منگل کو ایک گھر میں گیس سلنڈر پھٹنے سے 2 خواتین اور 4 بچوں سمیت 6 افراد جاں بحق جب کہ 4 افراد زخمی ہوگئے۔

پولیس حکام کے مطابق مکان کو بری طرح نقصان پہنچا جس کی وجہ سے اس کی چھت گر گئی۔

اطلاع ملتے ہی ریسکیو ٹیم جائے وقوعہ پر پہنچ گئی اور زخمیوں کو طبی امداد کے لیے سول اسپتال منتقل کیا۔

تاہم پولیس نے تحقیقات شروع کرنے کے لیے علاقے کو گھیرے میں لے لیا۔