ملک بھر میں 24 گھنٹوں کے دوران کورونا وائرس کے 70کیس رپورٹ ہوئے ،قومی ادارہ صحت

اسلام آباد: قومی ادارہ صحت(این آئی ایچ) نے کہا ہے کہ ملک بھر میں 24 گھنٹوں کے دوران کورونا وائرس کے 70 کیس رپورٹ ہوئے جبکہ 17 مریضوں کی حالت تشویش ناک ہے۔

جمعہ کو این آئی ایچ کی جانب سے جاری اعدادوشمار کے مطابق ملک بھر میں 24 گھنٹوں کے دوران کورونا وائرس کے 3 ہزار 695 ٹیسٹ کیے گئے جن میں سے 70 افراد کے ٹیسٹ مثبت آئے اس طرح مثبت کیسز کی شرح 1.89 فیصد رہی اور اس دوران کورونا وائرس سے کوئی مریض جاں بحق نہیں ہوا جبکہ 17 مریضوں کی حالت تشویشناک ہے۔

ملک کے مختلف شہروں میں 24 گھنٹوں کے دوران کئے گئے کورونا ٹیسٹ اور مثبت کیسز کے حوالے سے لاہور میں 437 افراد میں سے 16 کے ٹیسٹ مثبت آئے اور وہاں پر مثبت کیسز کی شرح 3.66 فیصد رہی۔

کراچی میں 402 افراد میں سے 32 کے ٹیسٹ مثبت آئے اور وہاں پر مثبت کیسز کی شرح 7.96 فیصد رہی، گلگت میں 138میں سے 04 کے ٹیسٹ مثبت آئے اور وہاں پر شرح 2.90 فیصد رہی جبکہ اسلام آباد میں374 ٹیسٹوں میں سے 05 ٹیسٹ مثبت آئے اور شرح 1.34 فیصد رہی۔