برطانیہ میں افطار پارٹی،غیر مسلم بھی شریک ہوئے

برطانیہ کے شہر بریڈفرڈ میں اوپن افطار کا انعقاد کیا گیا جہاں مسلمانوں کے ساتھ غیر مسلم شہریوں نے بھی شرکت کی۔برطانیہ کی ایک تنظیم رمضان ٹینٹ پراجیکٹ کی جانب سے بریڈفرڈ میں ‘اوپن افطار’ کا انتظام کیا گیا۔ اس افطار کا اہتمام مصطفیٰ ماؤنٹ میں کیا گیا جو پہلے یونیورسٹی آف بریڈفرڈ کے اسکول آف مینیجمنٹ کی عمارت تھی۔

رمضان ٹینٹ پراجیکٹ اپنے قیام کی ایک دہائی مکمل ہونے پر برطانیہ کے تاریخی مقامات پر ’اوپن افطار‘ کا انعقاد کر رہی ہے۔ اس سال ان مقامات میں شیکسپیئر گلوب تھیٹر، چیلسی فٹ بال کلب اور بیٹرسی آرٹس سینٹر بھی شامل ہیں۔

برطانیہ کے شہر بریڈفرڈ میں ’اوپن افطار‘ منعقد کیا گیا ہے جس میں مسلمانوں کے ساتھ ساتھ غیر مسلم شہریوں نے بھی شرکت کی۔https://t.co/1dFjOc8sFK

— Independent Urdu (@indyurdu) April 14, 2023

’اوپن افطار‘ کی انتظامیہ کے مطابق رمضان ٹینٹ پراجیکٹ کو شروع کیے گئے 10 سال ہوگئے ہیں جس کا آغاز عمر صلاح نامی شخص نے لندن سے کیا تھا۔ اب اس منصوبے کی دسویں سالگرہ ہے۔ منتظمین کا کہنا ہے کہ اس سال 30 پروگرامز منعقد کیے جائیں گے۔

‘اوپن افطار’ میں شرکت کرنے والے غیر مسلموں کا کہنا ہے کہ اس طرح کے پروگرامز میں شرکت کرنے سے ہمیں مختلف ثقافتوں کے بارے میں سیکھنے اور انکی زندگی گزارنے کے طریقے کے حوالے سے علم میں اضافہ ہوتا ہے۔