پاکستان اور نیوزی لینڈ کے درمیان پہلا ایک روزہ میچ 27 اپریل کو کھیلا جائے گا

راولپنڈی: پاکستان اور نیوزی لینڈ کی کرکٹ ٹیموں کے درمیان پانچ ون ڈے میچوں کی سیریز کا پہلا میچ 27 اپریل (جمعرات) کو راولپنڈی کرکٹ سٹیڈیم میں کھیلا جائے گا۔

اس سے قبل دونوں ٹیموں کے درمیان پانچ ٹی 20 انٹرنیشنل میچوں کی سیریز 2-2 سے برابر رہی جبکہ ایک میچ بارش کی نذر ہو گیا تھا۔

ون ڈے سیریز کا آغاز 27 اپریل سے راولپنڈی کرکٹ سٹیڈیم میں ہو گا، پاکستان اور نیوزی لینڈ کی ٹیمیں سیریز کی تیاریوں کے لئے کل (بدھ کو) نیٹ پریکٹس کریں گی۔

سیریز کا دوسرا ون ڈے میچ 29 اپریل، تیسرا 3 مئی، چوتھا 5 مئی اور پانچواں اور آخری میچ 7 مئی کو کھیلا جائے گا۔ پہلے دو میچ راولپنڈی کرکٹ سٹیڈیم اور آخری تین میچ نیشنل سٹیڈیم کراچی میں کھیلے جائیں گے۔

پاکستانی ٹیم مایہ ناز بیٹر بابر اعظم کی قیادت میں میدان میں اترے گی ، نیوزی لینڈ کو ٹام لیتھم لیڈ کریں گے