لیبیا کے ساحل کے قریب تارکین وطن کی 2 کشتیاں ڈوب گئیں،57 افراد ہلاک

لیبیا کے ساحلی علاقے میں تارکین وطن کی دو کشتیاں ڈوب گئیں، حادثے میں 57 افراد ڈوب کر ہلاک ہوگئے۔

لیبین کوسٹ گارڈ کے مطابق کشتیاں ڈوبنے والوں میں سے ایک بچے سمیت 11 لاشیں نکال لی گئی ہیں، مزید تلاش جاری ہے۔

حکام کے مطابق کشتیوں کے 4 مسافر تیر کر ساحل تک آنے میں کامیاب ہوگئے، بچ جانے والے افراد کا کہنا ہے کہ ڈوبنے والی ایک کشتی میں 80 افراد موجود تھے، تارکین وطن غیر قانونی طور پر بحیرہ روم کے راستے یورپ جانا چاہتے تھے۔

میڈیا رپورٹس کے مطابق کشتیوں میں سوار تارکین وطن افراد کا تعلق پاکستان، بنگلا دیش، مصر، شام اور تیونس سے بتایا جارہا ہے۔