سعودی وزیر خارجہ کا اقوام متحدہ کے سیکرٹری جنرل کو فون

سعودی وزیر خارجہ شہزادہ فیصل بن فرحان نے اقوام متحدہ کے سیکرٹری جنرل انتونیو گوٹریس کو فون کیا۔ شہزادہ فیصل بن فرحان نے سعودی عرب کی جانب سے ان ملکوں کے شہریوں کو سوڈان سے نکالنے کے کام کی یقین دہانی کرائی جنہوں نے اپنے شہریوں کو نکالنے کے لیے مدد کی درخواست کی ہے۔

??? ?? | Foreign Minister H.H Prince @FaisalbinFarhan held a phone call with #UN Secretary-General @antonioguterres. pic.twitter.com/onKxIRkNJa

— Foreign Ministry ?? (@KSAmofaEN) May 4, 2023

بات چیت میں سوڈان میں دونوں فریقوں کے درمیان فوجی کشیدگی کو روکنے اور اس کی سرزمین پر سوڈانی شہریوں اور رہائشیوں کو ضروری تحفظ فراہم کرنے کی کوششوں پر تبادلہ خیال کیا گیا۔ دونوں نے سعودی عرب اور اقوام متحدہ کے درمیان تعاون کے پہلوؤں کا بھی جائزہ لیا اور تازہ ترین بین الاقوامی پیش رفت اور بین الاقوامی امن و سلامتی کو بڑھانے کی کوششوں پر گفت و شنید کی۔