ملک میں سیاسی استحکام آئے گا یا سیاسی انقلاب،شیخ رشید

 عوامی ملسم لیگ کے سربراہ اور سابق وزیرداخلہ و سربراہ عوامی مسلم لیگ شیخ رشید احمد کاکہنا ہے کہ سپریم کورٹ آئین اور قانون کے مطابق فیصلہ کرے گی، اس ملک میں یا سیاسی استحکام آئے گا یا سیاسی انقلاب آئے گا۔

پوری قوم سپریم کورٹ کے پیچھے کھڑی ہے 13 پارٹیاں انتشار اور خلفشار سے سوچی سمجھی سازش کے تحت جمہوریت کا گلا گھونٹنا چاہتی ہیں۔سپریم کورٹ آئین اور قانون کے مطابق فیصلہ کرے گی۔اس ملک میں یا سیاسی استحکام آئے گا یا سیاسی انقلاب آئے گا 13 پارٹیوں کی سیاست کو عوام زندہ دفن کر دے گی

— Sheikh Rashid Ahmed (@ShkhRasheed) May 8, 2023

سابق وزیرداخلہ و سربراہ عوامی مسلم لیگ شیخ رشید احمد نے سماجی رابطے کی ویب سائٹ ٹوئٹر پر ایک بیان میں کہا ہے کہ پوری قوم سپریم کورٹ کے پیچھے کھڑی ہے، 13پارٹیاں انتشار اور خلفشار سے سوچی سمجھی سازش کے تحت جمہوریت گلا گھونٹنا چاہتی ہیں۔

ان کاکہنا تھا کہ ایک سال میں امپورٹڈ حکومت نے ملک کو معاشی، سیاسی،اقتصادی گڑھے میں گرادیا ہے، نہ عدلیہ کے کہنے پر پیسے دیے نہ سکیورٹی دی، نہ ہی اسمبلی کی کارروائی کی کاپی دی،جس کا نتیجہ کھلی آئینی اور قانونی جنگ نکلے گا۔

سربراہ عوامی تحریک کاکہنا تھا کہ 13پارٹیوں کی سیاست کو عوام زندہ دفن کردے گی، جو عدلیہ کے آئین اور قانون کا فیصلہ نہیں مانے گا وہ آئین اور قانون کے شکنجے میں آجائے گا۔

میں بشکیک سے3روزہ دورےکےبعد پاکستان پہنچ چکاہوں جہاں پرمیں نےایک سٹیڈیم میں عظیم الشان تاریخی جلسےاورایک بہت بڑےپاکستانیوں کےعشائیےسےخطاب کیاآج سےآخری5اوروں کاسیاسی میچ شروع ہوگیاہےجس میں تھرڈایمپائرکی ضرورت نہیں پڑےگی۔آئینی قانونی معاملات پرعدلیہ کی طرف سےفیصلہ عنقریب آکر رہےگا

— Sheikh Rashid Ahmed (@ShkhRasheed) May 8, 2023

شیخ رشید نے مزید کہا کہ میں بشکیک سے3روزہ دورے کے بعد پاکستان پہنچ چکا ہوں ، آج سے آخری5اوورز کا سیاسی میچ شروع ہوگیا ہے، اس میچ میں تھرڈ امپائر کی ضرورت نہیں پڑے گی، عنقریب آئینی،قانونی معاملات پر عدلیہ کی طرف سے فیصلہ آکر رہےگا۔