ملک کی ترقی کیلئے اداروں کے درمیان ہم آہنگی ہونی چاہئے:صدرمملکت

اسلام آباد: صدر مملکت ڈاکٹر عارف علوی نے کہا ہے کہ سیاسی معاملات کو دانشمندی اور ضبط و تحمل کے ساتھ حل کئے جانے چاہیں تاکہ ملک کو درپیش معاشی مسائل کے حل پر توجہ مرکوز کی جا سکے۔

ایک نجی نیوز چینل سے انٹرویو میں صدر نے کہا کہ سیاسی عدم استحکام پاکستان کیلئے مسائل پیدا کر رہا ہے۔ صدر نے کہا کہ 9 مئی کے واقعات میں ملوث شرپسندوں کے خلاف کارروائی ہونی چاہئے۔

ایک سوال کے جواب میں ڈاکٹر عارف علوی نے کہا کہ وہ پاک فوج جمہوری قوتوں اور پاکستان کے عوام کے حامی ہیں۔انہوں نے کہا کہ ملک کی ترقی کیلئے اداروں کے درمیان ہم آہنگی ہونی چاہئے۔صدر نے کہا کہ نو مئی کے واقعات کی شفاف تحقیقات ہونی چاہتیں اور فوجی تنصیبات اور سرکاری املاک پر حملہ کرنے والوں کو سزا ملنی چاہئے۔