کوئٹہ دھماکہ خودکش حملہ تھااور حملہ آور گاڑی میں بیٹھا رہا : وزیر داخلہ شیخ رشید

وزیر داخلہ شیخ رشید کی میڈیا سے گفتگو  کرتے ہوئے کہنا تھا کہ کوئٹہ میں جو کل خونی واقعہ ہوا ہے  وہ خود کش حملہ تھا ، لوگ اس میں شہید ہوئے اور 60 سے 80 کلو کے درمیان تھا ، کوئٹہ حملے میں 5 لوگ جانبحق ہوئے،دھماکہ کے وقت خودکش حملہ آور گاڑی میں بیٹھا رہا۔جبکہ دہشت گرد کی ابھی تک شناخت نہیں ہو سکی۔ کوئٹہ میں 13 چوکیوں کا کمان پولیس کو دے دیا گیا تھا۔

وزیر داخلہ شیخ رشید  نے کہا کہ وزرات داخلہ کا بیان سامنے رکھنا چاہتا تھا۔ فارن میڈیا کو نہیں پتہ یہاں سحری میں اٹھنا ہوتا ہے ، فارن میڈیا کو نہیں پتا کیا ہوا ہے.

شیخ رشید کا کہنا تھا کہ وزارت داخلہ کے تحت 22  اداروں کو ہدایت کی ہے سکیورٹی ہائی الرٹ کر دی جائے، خیال تھا کہ ایف سی کو کوئٹہ سے نکالیں لیکن اب ایسا نہیں ہے، ایف سی کو کوئٹہ سے نہیں نکالیں گے۔

ان کا کہنا تھا یہ ان پاکستان دشمن عناصر کی کارروائی ہے جنہیں پاکستان کی ترقی ایک آنکھ نہیں بھاتی، اس حملے کی جتنی بھی مذمت کی جائے کم ہے۔پڑوسی ملک بھارت کا زکر کرتے ہوئے کہا کہ ڈھائی سے تین لاکھ سوشل میڈیا اکاؤنٹس پاکستان کو بدنام کرنے کی کوشش کر رہے ہیں۔