چوہدری پرویز الہٰی کی گرفتاری، پولیس کی بھاری نفری ظہور الہٰی روڈ پہنچ گئی

سابق وزیر اعلیٰ پنجاب کی ممکنہ گرفتاری، پولیس کی بھاری نفری چوہدری پرویز الہٰی کے گھر پہنچ گئی۔چوہدری پرویز الہیٰ کے گھر کے داخلی اور خارجی راستوں پر پولیس اہلکار تعینات کر دیئے گئے۔چوہدری پرویز الہیٰ کے گھر سے کسی کو باہر جانے کی اجازت نہیں ہو گی۔اینٹی کرپشن کی ٹیم بھی پولیس کے ساتھ ان کی رہائش گاہ پر موجود ہے۔

چوہدری پرویز الہٰی کے خلاف پیڑول بم پھیکنے ،کار سرکار میں مداخلت،اینٹی کرپشن کی جانب سے اختیارات کا ناجائز استعمال اور ترقیاتی فنڈز میں خرد برد کا کیس ہے۔اینٹی کرپشن کی جانب سے آج چوہدری پرویز الہٰی کی ضمانت مسترد کی گئی تھی۔