اسلام آباد:ملک بھر میں جشن عید میلاد النبی ﷺ کی تیاریاں عروج پر ہیں، شہر رنگ و نور میں ڈوبا ہوا جبکہ ہر سو درود و سلام کی صدائیں بلند ہو رہی ہیں۔سرور کائنات حضرت محمد مصطفیٰ ﷺ کی آمد آمد ہے جبکہ ملک کے مختلف شہروں میں عاشقانِ رسول نے گھروں اور گلیوں کو برقی قمقموں سے سجا دیا ہے۔

میلا د النبی ﷺ کے موقع پر بچوں نے اپنی مدد آپ کے تحت اپنے جذبے کو پروان چڑھایا اور گلی محلوں کو خوب سجایا گیا ملک بھر میں بچوں نے گلی محلوں کو سجا کر حضور حضرت محمد مصطفیٰ ﷺ کو خراج عقیدت پیش کیا ۔

جشن عید میلادالنبیؐ کے سلسلے میں شہر بھر کی مساجد، عمارتوں اور شاہراہوں کو بھی سبز پرچموں اور برقی قمقموں سے سجایا گیا ہے۔عاشقان رسول خانہ کعبہ اور مسجد نبوی کے خوبصورت ماڈلز بنا کر سرور کائنات سے اظہار عقیدت کر رہے ہیں۔

علماء کرام کا کہنا ہے کہ حضرت محمد مصطفیٰ صلی اللہ علیہ وآلہ وسلم سے عقیدت و محبت کا تقاضا ہے کہ آپؐ کی سیرت طیبہ کا محض ذکر ہی نہ کیا جائے، بلکہ آپؐ کی تعلیمات پر عمل کر کے ہی انسان دنیا اور آخرت میں سرخرو ہوسکتا ہے۔

اسلام آباد: نگران  وزیر خارجہ جلیل عباس جیلانی نے کہا  کہ بھارت انٹرنیشنل کرکٹ کونسل (آئی سی سی) کے قوائد و ضوابط کے مطابق آئی سی سی ورلڈ کپ 2023 کے لیے پاکستانی کرکٹ شائقین کو ویزا دینے کا پابند ہے۔

پاکستان کے قومی کرکٹ سکواڈ کے ارکان اور اہلکاروں کے ویزے پہلے ہی بھارت کی طرف سے تاخیر کا شکار ہو چکے ہیں۔ پیر کو باضابطہ طور پر ویزے ملنے کے بعد اب پاکستانی ٹیم کی اس مقابلے میں شرکت یقینی ہے۔انٹرنیشنل کرکٹ کونسل (آئی سی سی) کو پاکستان کرکٹ بورڈ (پی سی بی) کی جانب سے ویزا میں تاخیر کی شکایت کی گئی تھی۔

اس تاخیر کی وجہ سے پاکستانی ٹیم کی پری ٹورنامنٹ کی تیاریاں مزید متاثر ہوئیں کیونکہ وہ "ٹیم بانڈنگ ٹرپ" کے لیے دبئی میں ملاقات کرنےمیں بھی تاخیر ہوئی  تھیں۔  جمعرات کو اسلام آباد میں ایک نیوز کانفرنس کے دوران نگران وزیر خارجہ نے کہا، "آئی سی سی کے قوانین کے مطابق شائقین کو ویزا فراہم کرنا لازمی ہے۔ یاد رہے کہ بدھ کو جب پاکستانی اسکواڈ آئی سی سی ورلڈ کپ 2023 میں شرکت کے لیے بھارت پہنچا تو اس کا کھلے عام استقبال کیا گیا۔ 

 پاکستان کرکٹ بورڈ (پی سی بی) نے جمعرات کو اپنے آفیشل سوشل میڈیا اکاؤنٹس پر دل کو چھو لینے والے لمحات پوسٹ کیے۔ پاکستانی ٹیم نے جمعرات کو راجیو گاندھی انٹرنیشنل کرکٹ اسٹیڈیم حیدرآباد میں تربیتی سیشن میں حصہ لیا۔

اسلام آباد:نگران وفاقی وزیر اطلاعات و نشریات مرتضیٰ سولنگی نے کہا ہے کہ پاکستان اور چین دوستی کے لازوال رشتے میں بندھے ہوئے ہیں، چین پاکستان کا مخلص دوست ہے جس نے مشکل کی ہر گھڑی میں پاکستان کا ساتھ دیا ہے ۔

74 سالوں میں چین نے سائنس، ٹیکنالوجی، معیشت، ثقافت، اقتصادی و سماجی ترقی، استحکام، قومی اتحاد اور سرحدی دفاعی استحکام میں بے پناہ ترقی کی، چین آج اپنی محنت کی بدولت دنیا کی بڑی معیشتوں میں شامل ہے۔

 انہوں نے چین کے 74 ویں قومی دن کے موقع پر جمعرات کو چینی سفارت خانہ کی طرف سے منعقدہ تقریب میں اظہار خیال کرتے ہوئے چین کی پاکستان کے لیے کوششوں کو سراہا ۔ نگران وفاقی وزیر اطلاعات نے کہا کہ چین اپنی آزادی کی 74 بہاریں دیکھ چکا ہے، چین نے اندھیروں سے روشنی کی طرف، پسماندگی سے ترقی کی طرف ایک نیا راستہ کھولا، 74 سالوں میں چین نے سائنس، ٹیکنالوجی، معیشت، ثقافت، اقتصادی و سماجی ترقی، استحکام، قومی اتحاد اور سرحدی دفاعی استحکام میں بے پناہ ترقی کی، چین آج اپنی محنت کی بدولت دنیا کی بڑی معیشتوں میں شامل ہے۔