ڈالر کے مقابلے میں روپے کی اڑان جاری، کاروباری ہفتے کے آخری روز ڈالر مزید سستا ہو گیا۔

انٹربینک میں ڈالر 1 روپے 1 پیسہ سستا ہو کر  287.74 روپے پر بند ہوا جبکہ اوپن مارکیٹ کاروبارکے اختتام پر ڈالر 2 روپے سستا ہو کر288 روپے پر بند ہوا ۔

Interbank closing #ExchangeRate for today https://t.co/K9pF3QxMS3#SBPExchangeRate pic.twitter.com/gXBbpXqugl

— SBP (@StateBank_Pak) September 28, 2023

دوسری جانب پاکستان اسٹاک ایکسچینج  132 پوائنٹس کی کمی سے 46 ہزار 232 پوائنٹس پر بند ہوئی ۔دن بھر مجموعی طور پر 326 کمپنیوں کے شیئرز میں کاروبار ہوا ۔

121 کمپنیوں کے شیئرز کی قیمتوں میں اضافہ جبکہ 183 کے شیئرز میں کمی ہوئی ۔ آج مارکیٹ کی بلند ترین سطح 46,469 جبکہ کم ترین سطح 46,177 رہی ۔

اسلام آباد: نگران  وزیر خارجہ جلیل عباس جیلانی نے کہا  کہ بھارت انٹرنیشنل کرکٹ کونسل (آئی سی سی) کے قوائد و ضوابط کے مطابق آئی سی سی ورلڈ کپ 2023 کے لیے پاکستانی کرکٹ شائقین کو ویزا دینے کا پابند ہے۔

پاکستان کے قومی کرکٹ سکواڈ کے ارکان اور اہلکاروں کے ویزے پہلے ہی بھارت کی طرف سے تاخیر کا شکار ہو چکے ہیں۔ پیر کو باضابطہ طور پر ویزے ملنے کے بعد اب پاکستانی ٹیم کی اس مقابلے میں شرکت یقینی ہے۔انٹرنیشنل کرکٹ کونسل (آئی سی سی) کو پاکستان کرکٹ بورڈ (پی سی بی) کی جانب سے ویزا میں تاخیر کی شکایت کی گئی تھی۔

اس تاخیر کی وجہ سے پاکستانی ٹیم کی پری ٹورنامنٹ کی تیاریاں مزید متاثر ہوئیں کیونکہ وہ "ٹیم بانڈنگ ٹرپ" کے لیے دبئی میں ملاقات کرنےمیں بھی تاخیر ہوئی  تھیں۔  جمعرات کو اسلام آباد میں ایک نیوز کانفرنس کے دوران نگران وزیر خارجہ نے کہا، "آئی سی سی کے قوانین کے مطابق شائقین کو ویزا فراہم کرنا لازمی ہے۔ یاد رہے کہ بدھ کو جب پاکستانی اسکواڈ آئی سی سی ورلڈ کپ 2023 میں شرکت کے لیے بھارت پہنچا تو اس کا کھلے عام استقبال کیا گیا۔ 

 پاکستان کرکٹ بورڈ (پی سی بی) نے جمعرات کو اپنے آفیشل سوشل میڈیا اکاؤنٹس پر دل کو چھو لینے والے لمحات پوسٹ کیے۔ پاکستانی ٹیم نے جمعرات کو راجیو گاندھی انٹرنیشنل کرکٹ اسٹیڈیم حیدرآباد میں تربیتی سیشن میں حصہ لیا۔

اسلام آباد: انڈس موٹرز نے ٹویوٹا کاروں کا پروڈکشن پلانٹ 28 ستمبر سے 9 اکتوبر جمعرات تک عارضی طور پر بند کرنے کا اعلان کردیا  ہے۔

ٹویوٹا انڈس موٹرز نے 28 ستمبر کو ایک مراسلے  میں پاکستان اسٹاک ایکسچینج کو باضابطہ طور پراپنے پلانٹ کے بند کرنے  سے آگاہ کیا۔

انڈس موٹرز کے مراسلے کے الفاظ کے مطابق  خام مال کے موجودہ بحران کی وجہ سے پلانٹ کو 12 دنوں کے لیے عارضی طور پر روک دیا گیا ہے۔ مراسلے میں لکھا گیا ہے کہ اگر عارضی شٹ ڈاؤن شیڈول تبدیل ہوتا ہے تو کارپوریشن صارفین کواس سے متعلق آگاہ کرے گی۔

ٹویوٹا کمپنی نے بتایا کہ خام مال کی درآمد اور نئی کاروں کی مارکیٹ  میں کمی کے باعث بہت سے  مسائل پیش آ رہے  ہیں۔

ان مسائل کی وجہ سے پیدا ہونے والے خلل کے باعث  کمپنی کی انوینٹری کی سطح پیداوار کی حمایت کے لیے ناکافی تھی۔

 انہی وجوہات کی وجہ سے 26 جون سے 27 جون تک پروڈکشن پلانٹ عارضی طور پر بند کیا گیا ہے ۔