جہانگیر ترین نے کوئی رابطہ نہیں کیا،اسد عمر

اسلام آباد کی ضلع کچہری میں پیشی کے دوران صحافیوں سے غیر رسمی گفتگو کرتے ہوئے پاکستان تحریک انصاف کے رہنما اسد عمر نے کہا کہ جہانگیر ترین نے ان سے کوئی رابطہ نہیں کیا۔میرا کیا تعلق ہے جہانگیر ترین سے؟

سابق جنرل سیکرٹری پی ٹی آئی نے کہا کہ جیل سے آئے 7 سے 8 دن ہوئے ہیں، عدالتوں کے چکر لگا رہا ہوں، فواد چودھری مجھ سے وقتاً فوقتاً رابطے میں رہتے ہیں۔

ایک اور صحافی نے اسد عمر سے سوال کیا کہ فیصل واوڈا کس ایجنڈے پر ہیں؟ جس کا جواب دیتے ہوئے اسد عمر نے کہا کہ یہ سوال فیصل واوڈا سے پوچھیں