اسلام آباد : پیٹرولیم مصنوعات کی قیمتوں میں کمی کا اعلان کر دیا گیا ، اوگرا نے پیٹرولیم مصنوعات میں کمی کا نوٹیفکیشن جاری کر دیا ۔

نوٹیفکیشن کے مطابق  پیٹرول کی فی لیٹر قیمت میں 8 روپے کمی کی گئی ہے، پیٹرول کی نئی قیمت 323 روپے38 پیسے فی لیٹر مقرر کی گئی ہے۔

ڈیزل کی قیمت میں 11 روپے فی لیٹر کمی کی گئی ہے، ہائی اسپیڈ ڈیزل کی نئی قیمت 318 روپے18 پیسے فی لیٹر مقرر کی گئی ہے۔

ہنگو : ہنگو تھا نہ میں نامعلوم افراد کے خلاف مقدمہ درج کر دیا گیا ، مقدمہ ایس ایچ او کی مدعیت میں نامعلوم دہشت گردوں پر درج کیا گیا ہے ۔

ایف آئی آر کے مطابق دو خودکش حملہ آور موٹرسائیکل پر آئے اور متاثرہ جگہ پر جا کر خود کو بلاسٹ کر دیا ۔

پولیس نے جوابی کاروائی میں ایک خودکش حملہ آور کو ہلاک کر دیا اور اس سے اسلحہ بارود بھی برآمد کر لیا گیا ۔

خودکش حملہ میں شہید ایک پولیس اہلکاراور 2 شہریوں  کی نماز جنازہ ادا کر دی گئی ۔

نماز جنازہ میں پولیس اہلکاروں اور لوگوں کی بڑی تعداد نے شرکت کی ۔

لاہور: نگراں وزیراعلیٰ پنجاب محسن رضا نقوی نے سود کے کاروبار میں ملوث افراد کے خلاف کریک ڈاؤن کا حکم دے دیا۔ تفصیلات کے مطابق محسن نقوی نے جمعہ کی شب تھانہ فیکٹری ایریا شیخوپورہ اور شفیق آباد لاہور کا دورہ کیا۔

انہوں نے انسپکٹر جنرل (آئی جی) پنجاب کو فرسٹ انفارمیشن رپورٹ (ایف آئی آر) کے اندراج میں تاخیر پر سرزنش کی۔ نگراں وزیراعلیٰ پنجاب محسن نقوی نے ایف آئی آر کے اندراج میں تاخیر پر سٹیشن ہاؤس آفیسر (ایس ایچ او) کو ہٹانے کا حکم بھی دیا۔