2017 میں ملک جہاں پہنچ چکا تھا وہیں دوبارہ لے جانا چاہتے ہیں، اسحاق ڈار

اسلام آباد: وزیرخزانہ اسحاق ڈار نے اقتصادی سروے پیش کیا، معاشی اہداف مکمل نہیں ہوسکے۔

وزیر خزانہ نے کہا کہ رواں مالی سال بڑا مشکل اور چیلنجنگ سال تھا، جہاں 2017 میں ملک تھا ہمیں اس ملک کو وہاں دوبارہ لے جانا ہے، اس حکومت نے جب حکومت سنبھالی تب شدید پریشر تھا اگر یہ حکومت کچھ عرصہ بعد آتی تو پاکستان کا کیا حال ہوتا اسکا اندازہ نہیں کیا جاسکتا۔

2017میں پاکستان کی معیشت دنیا کی 24ویں معیشت بن چکی تھی اور 2022 میں پاکستان کی معیشت بدقسمتی سے دنیا کی 47 ویں معیشت بن گئی۔

ہماری حکومت نے جب اقتدار سنبھالا تو جی ڈی پی گروتھ 6% تھی، زرعی شعبے کی شرح نمو 1.55 فیصد، لائیو سٹاک کی شرح نمو 3.7 فیصد ریکارڈ کی گئی۔ برآمدات کا متعین ہدف بھی حاصل نہ سکا، جولائی سے مئی 25 ارب 36 کروڑ ڈالر کی برآمدات رہیں۔

اسحاق ڈار نے پریس کانفرنس کرتے ہوئے کہا کہ ہمارا سب سے بڑا مسئلہ بیرونی اکاؤنٹس کا ہے، اب ہم بہتری کی طرف گامزن ہیں، آنے والا بجٹ عوام کیلئے سازگار ہوگا، سیلاب سے 30 ارب ڈالر نقصان کا تخمینہ لگایا گیا تھا، معاشی گراوٹ اب رک چکی ہے، ملک کی معیشت کو مزید بہتر بنائیں گے۔