آزاد کشمیر نیریاں شریف عرس سے واپس گوجرانولہ جانے والی زائرین کی بس گہری کھائی میں جا گری

کوٹلی آزاد کشمیر: آزاد کشمیر نیریاں شریف عرس سے واپس گوجرانولہ جانے والی زائرین کی بس ضلع کوٹلی کی تحصیل دولیا ہ جٹاں کے علاقے پوٹھہ جراہی میں بریک فیل ہونے سے گہری کھائی میں جا گری جس کے نتیجہ میں گوجرانوالہ سے تعلق رکھنے والے دو سگے بھائیوں سمیت 9 افراد جاں بحق جبکہ 13زخمی ہو ئے۔

حادثہ رات ایک بجے کے قریب پیش آیا جس کی اطلاع ملتے ہی ریسکیو 1122، سلطانیہ ویلفئیر سوسائٹی کی ٹیمیں اور ایمبولنسزجائے حادثہ پہنچ گئیں، اندھیرازیادہ ہونے اور بس گہری کھائی میں گرنے کی وجہ سے امدا دی عمل میں مشکلات پیش آ ئیں تاہم امداد ی کارروائیوں میں تمام زخمیوں اور لاشوں کو میرپور ہسپتال منتقل کیا گیا۔

حادثہ میں جاں بحق ہونے والے افراد کی میتیں آبائی شہر گوجرانوالہ پہنچا دی گئیں ، حادثہ میں جاں بحق ہونے والے دو سگے بھائیوں عبدالرحمن اور احمد سمیت 9افراد عمر حیات،یاسر، نعمان،مقصود،حافظ عمر،احمد اور عمر جاں شامل ہیں ۔بس میں تقریبا 35افراد سوار تھے۔