کورنا کیسز کی بڑھتی ہوئی شرح،سندھ حکومت کا اہم فیصلہ

تفصیلات کے مطابق ترجمان سندھ حکومت مرتضی وہاب نے کورونا کے بڑھتے ہوئے کیسسز کے پیش نظر سماجی رابطوں کہ ویب سائٹ ٹوئٹر پر پیغام جاری کرتے ہو ئے کہا ہے کہ  سندھ حکومت نے کورونا وائرس کی وجہ سے فیصلہ کیا ہے کہ سرکاری دفاتر میں صرف 20 فیصد ضروری اسٹاف کو بلایا جائیگا،جبکہ 80 فیصد اسٹاف کو گھر سے کام کرنے کی ہدایات جاری کر دی گئی ہیں۔ صرف سیکریٹریز اپنے ضروری اسٹاف کو دفتر بلائیں گے ۔

Inter city public transport will be closed from 29th April in the province of #Sindh

— Murtaza Wahab Siddiqui (@murtazawahab1) April 26, 2021

سندھ کے تمام اسکول،کالج، یونیورسٹیز اور دیگر تعلیمی ادارے بند رہیں گے ۔ 

ترجمان سندھ حکومت مرتضی وہاب نےٹرانسپورٹ کے حوالے سے مزید کہا کہ  انٹر سٹی ٹرانسپورٹ کو 29 اپریل سے مکمل طور پر بند کر دیا جائے گا ۔ گڈز ٹرانسپورٹ اور انڈسٹریز کھلی رہیں گی، لیکن ایس او پیز کی پیروی کی جائے۔

وزیر اعلی  سندھ مراد علی شاہ کی جانب سے احکامات جاری کئے گے جس کے مطابق  ریسٹورنٹس میں ڈائنگ اندر اور باہر بند جبکہ ٹیک اوےاور ڈلیوری کھلی رہے گی۔شاپنگ سینٹرز شام 6 بجے کردیئے جائیں گے۔اگر کیسز مزید بڑے تو بازاریں مکمل طور پر بند کی جائینگی۔

جیلز میں ملاقاتیں بند، دفاتر میں پبلک کا آنا بند، جبکہ آفیس ٹائم صبح 9 بجے سے دوپہر 2 بجے تک ہوگا۔