شاہ محمود قریشی اور اسد عمر کی ضمانت منظور ، پولیس کو گرفتاری سے روک دیا

اسلام آباد ہائی کورٹ نے شاہ محمود قریشی اور اسد عمر کی ضمانت منظور کرتے ہوئے پولیس کو گرفتاری سے روک دیا۔

اسلام آباد ہائی کورٹ نے 9 مئی کو ہنگامہ آرائی کے خلاف کیس کی سماعت کی، اس دوران عدالت نے شاہ محمود قریشی اور اسد عمر کی 10 جولائی تک عبوری ضمانت منظور کرلی ہے۔ عدالت نے پولیس کو اسد عمر اور شاہ محمود کی گرفتاری سے روکتے ہوئے 10 جولائی تک رپورٹ بھی طلب کرلی۔

عدالتِ عالیہ نے اسد عمر اور شاہ محمود قریشی کی ایک ایک لاکھ روپے کے مچلکوں کے عوض عبوری ضمانت منظور کی۔ دونوں رہنماوں نے 9 مئی کے واقعات سے متعلق مقدمے میں ضمانت قبل از گرفتاری کی درخواست دائر کی تھی۔

واضح رہے کہ دو روز قبل ضمانت خارج ہونے کے بعد تحریک انصاف کے رہنما اسد عمر اور شاہ محمود قریشی عدالت سے فرار ہونے میں کامیاب ہوگئے تھے