کراچی میں بوہرہ برادری آج عید الاضحیٰ منا رہی ہے

کراچی: کراچی میں بوہرہ برادری آج (بدھ) کو عید الاضحیٰ مذہبی جوش و جذبے سے منا رہی ہے۔

تفصیلات کے مطابق کراچی کے صدر اور گردونواح میں بوہری برادری کے افراد نے طاہری مسجد میں نماز عید ادا کی اور پھر سنت ابراہیمی کی تکمیل کے لیے جانوروں کی قربانی کی۔

نماز عید کے موقع پر سیکیورٹی کے سخت انتظامات کیے گئے تھے اور طاہری مسجد کو جانے والے راستے بند کردیے گئے تھے۔

اس کے علاوہ سعودی عرب، متحدہ عرب امارات (یو اے ای) اور دیگر خلیجی ممالک سمیت دنیا کے مختلف ممالک میں آج عید الاضحیٰ منائی جارہی ہے۔