عید پر حکومت کی جانب سے عوام پر مزید پابندیاں عائد

این سی او سی کے اجلاس میں رمضان اور عید کے حوالے سے  اہم فیصلے کیے گئے ہیں جس کے مطابق عید کی چھٹیوں اور 8  سے 16 مئی تک تمام سیاحتی مقامات مکمل طور پر بند  رہیں گے.

نوٹیفکیشن کے مطابق سیاحتی مقامات، عوامی پارکس، ہوٹلز، ریسٹورنٹس،  شاپنگ مالز اور ٹرانسپورٹ بھی بند رہے گی جبکہ ایک شہر سے دوسرے شہر چلنے والی ٹرانسپورٹ بھی بند رہے گی۔ مزید کہا گیا ہے کہ شہری اعتکاف، جمعہ الوداع اور عید الفطر کی نماز میں کورونا ایس او پیز پر عمل کریں۔

صرف گلگت بلتستان کے شہریوں کو اپنے علاقوں میں جانے کی اجازت ہوگی۔شمالی علاقہ جات، مری، سوات، گلیات، سی ویو جانے والے راستے بند رہیں گے، عید تعطیلات کے دوران بجلی کی بلاتعطل فراہمی یقینی بنائی جائے گی۔

وزارت داخلہ نے  پابندیوں کے حوالے سے سرکولر جاری کر دیا۔