ہمیشہ ن لیگ نے ملک کو مشکلات سے نکالا ہے، نواز شریف

مسلم لیگ (ن) کے قائد نواز شریف نے کہا ہے کہ ہمیشہ ن لیگ نے ملک کو مشکلات سے نکالا ہے، پاکستان کا زرمبادلہ پاکستان کی معیشت کا اہم جز ہے۔

دبئی میں نواز شریف سے مسلم لیگ متحدہ عرب امارات کے وفد نے ملاقات کی، ملاقات میں مریم صفدر بھی موجود تھیں، سیاسی اور معاشی مستقبل کے حوالے سے تبادلہ خیال کیا گیا۔

وفد سے گفتگو میں نواز شریف کا کہنا تھاکہ آنے والا دور مسلم لیگ ن کا ہے، مسلم لیگ ن کی قیادت نے ہی ہمیشہ پاکستان کو مشکلات سے نکالا اور اب بھی پاکستانی معیشت کو بھنور سے نکالے گی۔

انہوں نے کہا کہ اقتدار میں آکر پاکستان سے مہنگائی ختم کردیں گے اور ن لیگ کی آنے والی حکومت مسائل پر جلد قابو پا لے گی۔