چیئرمین پی ٹی آئی کے خلاف توشہ خانہ کیس ناقابل سماعت قرار

اسلام آباد ہائی کوٹ نے چیئرمین پاکستان تحریک انصاف کے خلاف توشہ خانہ کیس نا قابل سماعت قرار دے دیا۔اسلام آباد ہائی کورٹ کے چیف جسٹس عامر فاروق نے توشہ خانہ کیس سے متعلق فیصلہ سنایا۔

سابق وزیر اعظم نے نوشہ خانہ کیس ناقابل سماعت قرار دینے کی درخواست دائر کر رکھی تھی، اس سے قبل سیشن عدالت نے توشہ خانہ کیس کو قابل سماعت قرار دیتے ہوئے چیئرمین پی ٹی آئی پر فر جرم عائد کی تھی۔

گزشتہ روز ہی سابق وزیر اعظم نے توشہ خانہ کی میں چیف جسٹس اسلام آباد ہائی کورٹ پر عدم اعتماد کا اظہار کرتے ہوئے کیس کے خلاف درخواستیں دوسرے بینچ کو منتقل کرنے کی پٹیشن دائر کی تھی۔ درخواست میں ڈسٹرکٹ ایلکشن کمیشن کو فریق بنایا گیا تھا،درخواست میں چیف جسٹس سے چیئرمین تحریک انصاف کی درخواستیں سننے سے معذرت کرنے کی استدعا کی گئی تھی۔

توشہ خانہ کیس میں چیئرمین پاکستان تحریک انصاف کے خلاف نا قابل ضمانت وارنٹ جاری ہوئے تھے جس کے بعد عمران خان کی گرفتار کےلئے پولیس نے زمان پارک کے باہر آپریشن کیا تھا، جو پولیس اور پی ٹی آئی کارکناں کے درمیان تصادم کا باعث بھی بنا تھا۔قانونی ماہرین کی جانب سے عدالتی فیصلے کو عمران خان کےلئے بڑا ریلیف قرار دیا جا رہا ہے۔