وزیرِ اعظم شہباز شریف آج کراچی کا ایک روزہ دورہ کریں گے

اسلام آباد: وزیرِ اعظم محمد شہباز شریف آج (بدھ کو)کراچی کا ایک روزہ دورہ کریں گے۔ وزیراعظم آفس کے میڈیا ونگ سے جاری بیان کے مطابق وزیرِ اعظم کراچی میں پاک بحریہ کے جنگی بحری جہاز طارق کی افتتاحی تقرہب میں شرکت کریں گے۔

پی این ایس طارق ملجم کلاس کارویٹ جنگی جہاز ان چار بحری جہازوں میں سے ایک ہے، جو ترکیہ کے ساتھ ٹیکنالوجی کی منتقلی کے معاہدے تحت ترک اور پاکستانی انجینئر مل کر بنا رہے ہیں۔تقریب میں ترک نائب صدر جودت یلماز بھی شرکت کریں گے۔ وزیرِ اعظم تقریب سے خطاب بھی کریں گے۔

وزیرِاعظم سے کراچی میں ترک نائب صدر کی ملاقات بھی ہوگی ۔ وزیرِ اعظم کراچی چیمبر آف کامرس اینڈ انڈسٹری کے نمائندہ وفد سے بھی ملاقات کریں گے۔