چیئرمین پی ٹی آئی کے خلاف سائفر کی گمشدگی پر ایک اور مقدمہ درج

اسلام آباد میں چیئرمین پی ٹی آئی کے خلاف سائفر کی گمشدگی پر مقدمہ درج کرلیا گیا، مقدمہ ایف آئی اے کے انسداد دہشت گردی ونگ میں درج ہوا ہے

دوسری جانب سابق وزیراعظم کے سابق پرنسپل سیکرٹری ایف آئی اے آفس پہنچے، انہیں سائفر تحقیقات میں جے آئی ٹی کی جانب سے طلب کیا گیا تھا۔ مقدمے میں سائفر گمشدگی سے متعلق سنگین دفعات شامل  ہیں،مقدمہ ایف آئی اے کی مدعیت  میں درج کیاگیا۔

واضح رہے کہ رواں برس مارچ میں ایک جلسے کے دوران اس وقت کے وزیر اعظم عمران خان نے اپنی جیب سے خط نکال کر دعویٰ کیا تھا کہ ان کے خلاف اپوزیشن کی تحریک عدم اعتماد ان کی بیرونی پالیسی کے سبب غیر ملکی سازش کا نتیجہ تھی اور انہیں اقتدار سے ہٹانے کے لیے بیرون ملک سے فنڈز بھیجے گئے۔

سابق وزیراعظم عمران خان کے سابق پرنسپل سیکرٹری اعظم خان نے سائفر سے متعلق اپنا بیان ریکارڈ کرایا تھا جس میں انہوں نے سائفر کو ایک سوچی سمجھی سازش قرار دیا۔ سابق پرنسپل سیکرٹری اعظم خان نے 164 کے تحت مجسٹریٹ کے سامنے اعترافی بیان ریکارڈ کرایا تھا