تحریک انصا ف کے رہنما شاہ محمود قریشی کا نگران وزاعظم کو خط

اسلام آباد: تحریک انصاف کے وائس چیئرمین شاہ محمود قریشی کی جانب سے کورکمیٹی کی ایما پر نگران وزیراعظم انوالحق کو خط لکھ دیا۔ 

خط میں انوالحق کو نگران وزیراعظم کاعہدہ سنبھالنے پرمبارک باد دی گئی۔

خط میں مزید کہا گیا کہ آئین دستوراسمبلی کی قبل ازوقت تحلیل کی صورت میں  90روز میں انتخابات کےانقعاد کا حکم دیتا ہے، لہذا ہمارامطالبہ ہے کہ آپ انتخابات کے بروقت انعقاد کو یقینی بنائیں۔

خط میں یہ بھی کہا گیا کہ مشترکہ مفادات کونسل کی جانب سے نئی مردم شماری کی تاخیر سے منظوری کے بعد نئی حلقہ بندیوں کے معاملے کو انتخابات میں التواء کا بہانہ ہرگز نہیں بنایا جاسکتا۔

خط کے متن کے مطابق انتخابات کی ساکھ کے لیےلازم ہےکہ فریقین کوانتخابی مقابلے کے لیےمساوی میدان فراہم کیا جائے۔

شاہ محمود قریشی نےخط میں کہا کہ سابق حکومت نے اپنی جگہ بنانےاورخودکو احتساب سے بچانےکے لیےایک کے بعد دوسراہربہ استعمال کیا۔

رہنماء پی ٹی آئی نے نگران وزیراعظم کواس بات سے بھی آگاہ کیا کہ چیئرمین پی ٹی آئی کواٹک جیل میں انسانیت سوزحالات میں رکھنے پرتشویش ہے اور مزید کہا کہ عمران خان کو آئین اور جیل قوانین میں فراہم کردہ بنیادی حقوق سے محروم رکھا جارہا ہے، شاہ محمود قریشی کا کہنا تھا کہ عمران خان کو بنیادی حقوق فراہم کیے جائیں۔