وزارتِ قانون و انصاف کا صدر مملکت کے حالیہ ٹویٹ سے متعلق گہری تشویش کا اظہار

وزارتِ قانون و انصاف نے صدر مملکت ڈاکٹر عارف علوی کے حالیہ ٹویٹ سے متعلق گہری تشویش کا اظہار کردیا۔

وزارتِ قانون  کے ایکس اکاؤنٹ کے ذیعے جاری کردہ پریس ریلیز کے مطابق آئین کے آرٹیکل 75 کے مطابق جب کوئی بل منظوری کیلئے بھیجا جاتا ہے تو صدر کے پاس دو آپشن ہوتے ہیں۔ یا تو منظوری دیں، یا مخصوص مشاہدات کے ساتھ معاملے کو پارلیمنٹ کو بھیج دیں۔ آرٹیکل 75 میں کوئی تیسرا آپشن موجود نہیں ہے۔

Returning the bills without any observations or assent is not provided for in the Constitution. Such a course of action is against the letter and spirit of the constitution. 3/n

— Ministry Of Law And Justice Pakistan (@LawjusticeM) August 20, 2023

اس بل کے معاملے میں دونوں میں سے کوئی بھی ضرورت پوری نہیں کی گئی۔ اس کے بجائے صدر مملکت نے جان بوجھ کر منظوری میں تاخیر کی۔ بغیر کسی مشاہدے یا منظوری کے بلوں کو واپس کرنا آئین میں فراہم نہیں کیا گیا ہے۔ اس طرح کا اقدام آئین کی روح کے منافی ہے۔

It is a matter of concern that the President has chosen to discredit his own officials. The President should take responsibility for his own actions. 5/5

— Ministry Of Law And Justice Pakistan (@LawjusticeM) August 20, 2023

وزارتِ قانون کے مطابق اگر صدر کے پاس کوئی مشاہدات ہوتے تو وہ اپنے مشاہدات کے ساتھ بلوں کو واپس کر سکتے تھے۔ جیسا کہ انہوں نے ماضی قریب میں کیا تھا۔ وہ اس سلسلے میں ایک پریس ریلیز بھی جاری کر سکتے تھے۔

یہ تشویش کی بات ہے کہ صدر مملکت نے اپنے ہی عہدیداروں کو بدنام کرنے کا انتخاب کیا ہے۔ صدر مملکت کو اپنے اقدامات کی ذمہ داری خود لینی چاہیے۔