الیکشن کا معاملہ آئینی سے زیادہ اقتصادی اور سیاسی بن گیا ہے،شیخ رشید

عوامی مسلم لیگ کے سربراہ اور سابق وزیر داخلہ  شیخ رشید احمد نے کہا ہے کہ مسئلہ عوام کو تکلیف دینا نہیں، ریلیف دینا ہے، اگر ایک مہینے میں ہی 37 روپے پیٹرول کی قیمت بڑھ جائے، چینی اور آٹے کی فی کلو قیمت ایک ہو جائے اور بجلی کا بنیادی یونٹ 55 روپے فی یونٹ پر چلا جائے تو کوئی حکومت گردشی قرضہ کنٹرول نہیں کرسکتی ۔

اگر ایک مہینے میں ہی 37 روپے پیٹرول کی قیمت بڑھ جائے چینی اور آٹے کی فی کلو قیمت ایک ہو جائے اور بجلی کا بنیادی یونٹ 55 روپے فی یونٹ پر چلا جائے تو کوئی حکومت گردشی قرضہ کنٹرول نہیں کرسکتی الیکشن کا معاملہ آئینی سے زیاده اقتصادی اور سیاسی بن گیا ہے اقتصادی اور معاشی حالات سنگین…

— Sheikh Rashid Ahmed (@ShkhRasheed) August 20, 2023

 شیخ رشید نے سماجی رابطے کی ویب سائٹ ایکس پر اپنے پیغام میں کہا ہے کہ الیکشن کا معاملہ آئینی سے زیادہ اقتصادی اور سیاسی بن گیا ہے، اقتصادی اور معاشی حالات سنگین اور گھمبیر ہوتے جا رہے ہیں ۔ غریب کا چولھا نہیں چل رہا اور عوام کی مشکلات کم ہوتی نظر نہیں آ رہی ہیں، جڑانوالہ کے واقعہ نے ساری دنیا کے میڈیا میں پاکستان کو رسوا کر دیا ہے۔

شیخ رشید نے کہا کہ 16 مہینے میں شہباز شریف بطور وزیراعظم نواز شریف کو نہیں لاسکے، اب خود بھی اُس کے پاس لندن چلے گئے ہیں، دبئی اور لندن میں ہونے والی ساری سیاسی بیٹھکیں بے نتیجہ ثابت ہوئی ہیں اور سارے ٹھنڈے ٹھار ہو گئے ہیں۔