صدرمملکت کے ٹوئٹ پر پی ٹی آئی کا عدالت عظمی جانے کا فیصلہ

پی ٹی آئی نے قومی و عدالتی سطح پر صدر پاکستان عارف علوی  کے مؤقف کی بھرپور تائید اور حمایت کرنے کا اعلان کرتے ہوئے کہا کہ اہم ترین قانونی مسودہ جات کی توثیق کے عمل پر صدر مملکت کا مؤقف سنجیدہ اقدامات کا متقاضی ہے .

چیف جسٹس سے اس کی ہر پہلو پر تحقیقات کے ذریعے ذمہ داروں کےمحاسبے کی استدعا کریں گے۔ 

ترجمان پی ٹی آئی کا کہنا ہے کہ صدر مملکت نے ریاستی و حکومتی ڈھانچے میں گہرائی تک سرایت کیے گئے مرض کی نشاندہی کی ہے، صدر مملکت وفاق کی علامت، پارلیمان کا حصہ اور افواج پاکستان کے سپریم کمانڈر ہیں۔

پی ٹی آئی نے کہا کہ صدر مملکت کے فیصلوں پر عملدرآمد روکنا غیر آئینی اور ناقابل قبول ہے، معاملے کو سپریم کورٹ کے سامنے رکھیں گے، چیف جسٹس سے اس معاملے کی حقیقت، ذمہ داروں کے تعین اور محاسبے کی استدعا کریں گے . پاکستان تحریک انصاف کا کہنا ہے کہ پوری قوم اور تحریک انصاف آئین و قانون کی بالادستی کیلئے صدر مملکت کے ساتھ کھڑی ہے .

تحریک انصاف کا صدر مملکت کی ٹویٹ کی روشنی میں عدالت عظمیٰ سے رجوع کا فیصلہ#GNN #GNN_Updates #gnnnews #Newsupdates #Breakingnews pic.twitter.com/sXRj7MZ4b5

— GNN (@gnnhdofficial) August 20, 2023

آفیشل سیکریٹ ایکٹ اور آرمی ایکٹ میں ترامیم کے مسوّدوں پر صدرِمملکت کے دستخطوں کا معاملہ

پاکستان تحریک انصاف کا صدرِمملکت کی چشم کُشا ٹویٹ کی روشنی میں عدالتِ عظمیٰ سے فوری رجوع کا فیصلہ

آئین و قانون، شہریوں کے بنیادی حقوق اور جمہوریتِ و پارلیمان کی بقا و سلامتی کیلئے خوف و… pic.twitter.com/pswyeYLavR

— PTI (@PTIofficial) August 20, 2023