پی ڈی ایم حکومت نے سازش کر کے الیکشن ملتوی کروائے،سراج الحق

امیر جماعت اسلامی سراج الحق نے منصورہ پریس کا نفرنس کرتےہوئے کہا کہ الیکشن کمیشن کا ایک کام ہے الیکشن کرانا تو فوری طور پر نگران حکومت لیکشن کی تاریخ کا تعین کرے اس موقع پرسراج الحق کا  کہنا تھا کہ اسمبلی اور حکومت نے مدت پوری کی تو آئین کا تقاضا ہے کہ 90 روز میں الیکشن کا اعلان ہو۔ 

امیر جماعت اسلامی سراج الحق نے کہا کہ الیکشن کمیشن انتخابات کی تاریخ نہ دے کر آئین کی خلاف ورزیاں  کر رہا ہے۔

انہوں نے یہ بھی کہا کہ حلقہ بندیاں بھی ناگزیر ہیں لیکن پاکستان ڈیموکریٹک موومنٹ (پی ڈی ایم) اور پاکستان پیپلز پارٹی نے سی سی آئی کا اجلاس بروقت کیوں نہ بلایا؟ 

امیر جماعت اسلامی کا کہنا تھا کہ دونوں جماعتوں نے الیکشن کو ملتوی یا مؤخر کرنے کی سازش کی۔

صدر پاکستان نے بل پر دستخط نہیں کیے تو دستخط کیسے ہوگئے اداروں پر سے پاکستانی عوام کا اعتماد اٹھتا جا رہا ہے۔