ایمان مزاری کو تاحال پولیس اسٹیشن رکھنےکا حکم

ایمان مزاری کو تھانہ ترنول میں درج ایف آئی آر کے کیس میں ڈیوٹی مجسٹریٹ احتشام عالم کی عدالت میں پیش کیا گیا۔

پراسیکیوٹر کی جانب سے عدالت کو بتایا گیا کہ ایمان مزاری نے پولیس کٹ چوری کی اور ان سے اسلحہ اور دیگر سامان کا بھی الزام ہے جو ایمان مزاری  برآمد کروانا ہے لہٰذاعدالت سے استدعا ہے کہ  14 روزہ جسمانی ریمانڈ منظور کیا جائے۔

ایمان مزاری کی وکیل زینب جنجوعہ نے عدالت کو بتایا کہ ایمان مزاری جلسے کے دوران کنٹینر سے نہیں اتریں اور نہ ہی کسی پولیس اہلکار سے لڑائی کی۔ 

ایمان مزاری کے وکلا کی جانب سے عدالت میں موبائل فون، سی سی ٹی وی کیمرہ اور سامان کی واپسی کی درخواست دی گئی۔ عدالت نے درخواست پر ایس ایچ او کو رپورٹ پیش کرنے کاحکم جاری کردیا۔