بارش سے موسم خوشگوار، گرمی اورحبس کا زور ٹوٹ گیا

لاہور: شہر کے مختلف علاقوں میں بارش کا سلسلہ جاری ہے جس کے باعث گرمی کی شدت میں کمی ہونے سےموسم خوشگوارہو گیا۔ 

ظفروال، پسررو اور گرد ونواح میں بھی وفقے وفقے سے کبھی تیز اور کبھی ہلکی بارش کا سلسلہ جاری ہے۔

محکمہ موسمیات کے مطابق پنجاب، خیبرپختونخوا اورکشمیر میں گرج چمک کے ساتھ موسلادھار بارش کا امکان ہے اور سندھ کے ساحلی علاقوں میں بھی بوندا باندی ہو سکتی ہے۔

جہاں باران رحمت سے موسم خوشگوار ہوگیا وہیں گجرانوالہ میں بارش کی وجہ سے نشیبی علاقے پانی پانی ہوگئے۔

محمکہ موسمیات نےآج خطہ پوٹھوہار، بالائی پنجاب، بلوچستان میں گرج چمک کے ساتھ بارش کی پیشگوئی کی ہے، کراچی میں مطلع ابرآلود رہنے اور ملک کے جنوبی اوروسطی علاقوں میں موسم گرم اورمرطوب رہنے کا امکان ہے۔