توشہ خانہ کیس جان بوجھ کر لٹکایا جارہا ہے، وکیل عمران خان

اسلام آباد: چیئرمین پی ٹی آئی عمران خان کے ترجمان قانونی امورنعیم پنجوتھا کا کہنا ہے کہ توشہ خانہ کیس جان بوجھ کرلٹکایا جارہا ہے، اس پرفوری فیصلہ سنانا چاہیئے۔ 

ان کا اپنےایک بیان میں کہنا تھاکہ توشہ خانہ کیس میں سزامعطلی کی درخواست پرسیکشن  426 میں نوٹس جاری کرنے کا ذکر نہیں، اسلام آباد ہائی کورٹ نے پھرنوٹس کیوں جاری کیا؟

ان کا کہنا تھا کہ اگرنوٹس جاری ہو گیا تھا تو پھرریکارڈ طلبی کے لیے طویل نوٹس دوبارہ کیوں جاری کیا؟ ہائی کورٹ نے سماعت مکمل ہونے کے بعد دودن کا مزید ٹائم کیوں دیا؟ 

عمران خان کے وکیل کے مزید کہا کہ توشہ خانہ کیس کو لٹکایا نہ جائے بلکہ اس کا فوری فیصلہ سنایا جائے، اس کیس میں قانون وانصاف کا قتل کیا جارہا ہے، آئین معطل ہوچکا ہے۔