قومی بچت اسکیموں پر شرح منافع میں کمی کردی گئی

تفصیلات کے مطابق قومی بچت اسکیموں پر شرح منافع میں کمی کردی گئی۔نوٹیفکیشن میں کہا گیا ہے کہ  ریگولر انکم سرٹیفکٹس پر شرح منافع 9.36 فیصد سے 9.24 فیصد کردیا گیا،  اسپیشل سیونگز سرٹیفکٹس پر شرح منافع 8.87 فیصد سے 8.75 فیصد کردی گئی،  چھ ماہ کے شارٹ ٹرم سرٹیفکٹس پر شرح منافع 7.30 فیصد سے 7.20 فیصد کردی گئی۔

نوٹیفکیشن کے مطابق  تین ماہ کے شارٹ ٹرم سرٹیفکٹس پر شرح منافع 6.92 فیصد سے 7.04 فیصد کردی گئی،  ڈیفنس سیونگز سرٹیفکٹس پر شرح منافع برقرار رہے گی،  بہبود,  شہداء اور پینشنرز سرٹیفکٹس پر شرح منافع برقرار رہے گی،  سیونگز اکاونٹ پر شرح منافع برقرار رہے گی، ایک سال کے شارٹ ٹرم سرٹیفکٹس پر شرح منافع برقرار رہے گی۔

نوٹیفکیشن کے مطابق  شرح منافع میں تبدیلی کا اطلاق سات مئی سے ہوگا۔ وزارت خزانہ نے شرح منافع میں ردو بدل کا نوٹیفیکیشن جاری کردیا ہے۔