پاکستان میں کبھی بجلی سستی نہیں ہوسکتی،ستمبرمیں فی یونٹ 90 روپے کا ہوجائے گا: سینیٹر مشتاق خان

جماعت اسلامی کے سینیٹر مشتاق خان کا کہنا تھاکہ عوام ابھی سے ہی احتجاجی مظاہرے کرنا شروع ہوگئی ہے عوام ستمبر کے  بلوں کےلیے بھی تیار ہوجائے، ستمبرکے بل میں فی یونٹ 90 روپے کا ہوجائے گا۔

انہوں نے کہا کہ پاکستان ڈیموکریٹک موومنٹ حکومت کے 15ماہ میں 500 ارب روپےکی بجلی چوری ہوئی۔

دوسری جانب بجلی کی قیمتوں میں اضافے کے خلاف عوامی احتجاج بڑھتا جا رہا ہے پاکستان کے مختلف شہروں میں لوگ احتجاج کر رہے ہیں اور ملک کے کونے کونے میں لوگ سراپا احتجاج ہیں۔

سینیٹر مشتاق خان کا کہنا تھا کہ پاکستان میں کبھی بھی بجلی سستی نہیں ہوسکتی، پاکستان میں بجلی پرائیویٹ پلانٹ سے پیدا کر کے عوام کو مہنگی سے مہنگی فروخت کی جاتی ہے۔