اپنے کپڑے بیچ کر ریلیف دینے والا عوام کو تکلیف دے کے لندن بھاگ گیا،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ جو اپنے کپڑے بیچ کر غریبوں کو ریلیف دینے کی بات کرتا تھا اور آٹا چینی مفت بانٹنے کی بات کرتا تھا اور عوام کو تکلیف دے کے لندن بھاگ گیا ہے اور جاتے جاتے اپنے نیب اور منی لانڈرنگ کے سارے کیس ختم کرا گیا

اپنے ٹویٹ میں شیخ رشید نے کہا کہ پہلے یہ کہتے تھے کہ آئی ایم ایف کا معاہدہ بلاول کے 50 سے زیادہ غیر ملکی دوروں کا نتیجہ ہےاور شہباز شریف یہ کہتے ہوئے نہیں تھکتے تھےکہ میں نے آئی ایم ایف کے سربراہ سے 3 ملاقاتیں کر کےیہ معاہدہ کرایا اب لندن میں بیٹھا شہباز شریف کہتا ہےکہ مجھے نہیں معلوم کہ پاکستان میں غریبوں کے ساتھ کیا بیت رہی ہے۔

پہلے یہ کہتے تھے IMFکا معاہدہ بلاول کے 50سے زیادہ غیر ملکی دوروں کا نتیجہ ہےاور شہباز شریف یہ کہتے ہوئے نہیں تھکتے تھےکہ میں نے IMFکے سربراہ سے 3ملاقاتیں کر کےیہ IMFکا معاہدہ کرایا اب لندن میں بیٹھا شہباز شریف کہتا ہےکہ مجھے نہیں معلوم کہ پاکستان میں غریبوں کے ساتھ کیا بیت رہی…

— Sheikh Rashid Ahmed (@ShkhRasheed) August 29, 2023

سابق وفاقی وزیر نے کہا کہ شہباز شریف نے جو 10,10کروڑ روپے اپنے ممبروں کو ترقیاتی کاموں کے لئے دیے ہیں اُن سے غریبوں کے بجلی کے بل ادا کیےجائیں۔ 16مہینے حکومت میں رہے اور سارا کیا دھرا ان کا ہےاب ایک ہفتے کی نگران حکومت پر ملبہ ڈال رہے ہیں اور مگرمچھ کے آنسو رو رہے ہیں۔ 200 روپے ڈالر کرانے والا اسحاق ڈار بھی اپنے گرو کے پاس لندن پہنچ گیا۔

انہوں نے مزید کہا کہ جو بجلی کے معاہدے ن لیگ نے آئی پی پی کے ساتھ کیے وہ امپورٹڈ فیول کے تھے اور ساہیوال میں بھی جاکے کارخانہ لگا دیا اسکی قیمت آج قوم ادا کر رہی ہے بجلی استعمال نہیں کر رہے لیکن معاہدے کے تحت کارخانے داروں کو مفت پیسے دے رہے ہیں جو غریب کے بل میں وصول کرکے ڈکیتی کی جارہی ہے۔