پاکستان آنے والی پروازکئی گھنٹے تاخیر کا شکار،مسافروں کا انکوائری کا مطالبہ

میڈیا ذرائع  کے مطابق سعودی عرب (جدہ)  میں پاکستانی نجی ایئرلائن کی پرواز ای آر802تاخیر کا شکار ہے، جدہ سے اسلام آباد کی جانب اڑان بھرنے والی  پرواز نے دوپہر2بج کر40منٹ پر جدہ سے روانہ ہونا تھا۔

اس حوالے سے ذرائع کا کہنا ہے کہ پاکستانی وقت کے مطابق پرواز نے رات ساڑھے9بجے اسلام آباد پہنچنا تھا، صورتحال کے پیش نظر جدہ ایئرپورٹ پر مسافروں نے شدید احتجاج کیا۔

مشتعل مسافروں نے نگراں وزیراعظم اور وزارت ہوا بازی سے صورتحال کا فوری طور پر نوٹس لینے کا مطالبہ کیا ہے۔

مسافروں  نے میڈیا سے گفتگو کرتے ہوئے کہا کہ جہاز کے عملے کے مطابق اس میں تکنیکی خرابیاں ہیں  جبکہ پرواز کی تاخیر کی وجہ سے مسافروں ، بوڑھوں ، بچو ں کا برا حال ہو گیا۔