90 روز میں انتخابات کروائے جائیں ،بلاول بھٹو

کراچی : چیئر مین پیپلز پارٹی بلاول بھٹو نے میڈیا سے گفتگو کرتے ہوئے کہا کہ الیکشن آئین کے مطابق 90 دن میں ہونے چاہیے بلاول بھٹو نے کہا کہ پیپلزپارٹی جلد الیکشن کی خواہاں ہے ۔

جلد الیکشن ہوں گے تو پاکستان اور اس کی عوام اس مشکل ترین وقت سے نکل سکیں گے ، جلد الیکشن کراوا کر پیپلز پارٹی عوام کی خدمت کرنا چاہتی ہے۔

بلاول بھٹو نے کہا کہ اس وقت پاکستان کی عوام چیخ چیخ کرکہہ رہی ہے کہ ہم غربت میں ڈوبتے جا رہے ہیں مہنگائی اور بے روز گاری ملک کی تاریخی سطح پر پہنچ گئی ہے ، لوگ نہ ہی بجلی کا بل ادا کر سکتے ہیں اور نہ ہی اپنے بچوں کو سکو ل بھیج سکتے ہیں ، لوگ خود کشیاں کر رہے ہیں اپنے پیاروں کے علاج معالجے کے لیے لوگوں کے پاس پیسے نہیں ہیں ۔

پاکستان کی عوام کا مطالبہ ہے کہ ہمیں اس مشکل ترین وقت سے نکالا جائے ، پیپلز پارٹی ہی عوام کو اس مشکل ترین وقت سے نکال سکتی ہے کیونکہ پیپلز پارٹی کے پاس ہی وہ منشور اور نظریہ ہے۔