گلگت بلتستان الیکشن میں پی ٹی آئی نے میدان مار لیا

گلگت بلتستان میں ضمنی الیکشن کے تمام 56 پولنگ اسٹیشنز کا غیر سرکاری غیر حتمی نتیجہ موصول ہوگیا ہے ۔

پولنگز  کےرزلٹس کے  مطابق تحریک انصاف کے محمد خورشید خان 6 ہزار 219 ووٹ لےکر کامیاب ہوئے جب کہ مسلم ليگ ن کے رانا فرمان علی 5 ہزار 225 ووٹ لے کر دوسرے نمبر پر رہے۔

یہ نشست سابق وزیراعلیٰ خالدخورشید کے نااہل ہونے کی وجہ سے خالی ہوئی تھی ۔

جی بی ایل اے 13 استور ون میں رجسٹرڈ ووٹرز کی تعداد 33 ہزار 378 ہے جبکہ ووٹنگ کیلئے کل 56 پولنگ اسٹیشن قائم کیے گئے تھے، پولنگ صبح 8 بجے سے شام 5 بجے تک جاری رہے ۔

پی ٹی آئی کی جانب سے نااہل وزیراعلیٰ کے والد خورشید خان کو ٹکٹ دیا گیا تھا جو کہ پی ٹی آئی کی جانب سے  کامیاب ہوگئے ہیں ۔