پی ٹی آئی کے رہنما عثمان ڈارگرفتار، نامعلوم مقام پر منتقل کر دیا گیا

پاکستان تحریک انصاف کے رہنما عثمان ڈار کو کراچی کے علاقے ڈیفنس سے حراست میں لے کر نامعلوم مقام پر منتقل کر دیا گیا جبکہ ایس ایس پی ملیر نے عثمان ڈار کی گرفتاری سے لاعلمی کا اظہار کیا ہے۔

ادھرعثمان ڈار کی والدہ نے ویڈیو پیغام میں کہا ہے کہ بیٹے کو اغوا کیا گیا ہے اورجنہوں نے اغوا کیا، ہمیں نہیں پتہ وہ کون ہیں۔

عثمان ڈار کی والدہ کا ہنگامی پیغام ?

میرے بیٹے کو اغوا کر لیا گیا ہے اور جنہوں نے اغواء کیا وہ کہ رہے ہیں ہمیں نہیں پتہ۔ میں چاہتی ہوں میرے بیٹے کو سر عام عدالت میں پیش کیا جائے تاکہ وہ اپنے اوپر عائد الزامات کا دفاع کر سکے۔ میری عمر کو مد نظر رکھتے ہوئے میری اس اپیل کو سنا… pic.twitter.com/ExuRqulOqf

— Farrukh Habib (@FarrukhHabibISF) September 9, 2023

انہوں نے کہا کہ چاہتی ہوں کہ بیٹے کو عدالت میں پیش کیا جائے تاکہ وہ الزامات کا دفاع کرسکے، میری عمر کو مدنظر رکھتے ہوئے میری اپیل کو سنا جائے۔

دوسری جانب ترجمان پی ٹی آئی کا کہنا ہے کہ سادہ لباس اہلکار عثمان ڈار کو حراست میں لے کر نامعلوم مقام پر چلے گئے ہیں، انہیں بازیاب کروا کر فوری عدالت میں پیش کیا جائے