مسلم لیگ ن کے سینیٹر اور سابق آئی جی پنجاب رانا مقبول احمد انتقال کر گئے

مسلم لیگ ن کے سینیٹر اور سابق آئی جی پنجاب  رانا مقبول احمد انتقال کرگئے۔ رانا مقبول احمد کچھ عرصے سے علیل تھے۔سینیٹر رانا مقبول احمد کابینہ کمیٹی کے چیئرمین تھے۔ سیاسی رہنماؤں نے ان کی موت پر اظہارافسوس کرتے ہوئے انکی بلندی درجات کے لئے دعا کی ہے۔ 

چیئرمین سینیٹ صادق سنجرانی نے سینیٹر رانا مقبول کے بیٹ رانا طلال  سے ٹیلیفونک رابطہ کرکے  ان کے والد پر اظہار تعزیت کیا۔ ان کاکہنا تھا کہ سینیٹر رانا مقبول ایک بہترین سیاسی ورکر اور پارلیمنٹرین تھے۔سینیٹر رانا مقبول احمد نے پولیس سروس کی وجہ سے فوجداری قوانین سے متعلق بہترین قانون سازی بھی کی۔

سابق وزیراعظم اور پاکستان مسلم لیگ (ن) کے صدر شہباز شریف کا سینیٹر رانا مقبول کی وفات پر رنج و غم اور افسوس کا اظہار  کیا ہے ۔ ان کاکہنا تھا کہ پاکستان مسلم لیگ (ن) فیملی کے لئے آج غم کا دن ہے۔رانا مقبول قائد محمد نواز شریف کے قریبی اور بااعتماد ساتھی تھے۔

سابق وزیراعظم اور پاکستان مسلم لیگ (ن) کے صدر شہباز شریف کا سینیٹر رانا مقبول کی وفات پر رنج و غم اور افسوس کا اظہار

سابق وزیر اعظم کی رانا مقبول کے اہل خانہ سے ہمدردی اور افسوس کا اظہار pic.twitter.com/nC4U47omqK

— PMLN (@pmln_org) September 12, 2023

شہباز شریف کا کہنا تھا کہ رانا مقبول ایک بہادر، سنجیدہ مزاج اور ذہین شخصیت تھے ۔دانائی اور دانش مندی کے ساتھ امور کو سلجھانے والی شخصیت تھے۔ انہوں نے  انہیں خراج تحسین پیش کرتے ہوئے کہا کہ پولیس سروس کے دوران جرائم کے خاتمے کے لئے انہوں نے گراں قدر خدمات انجام دیں ۔ملک وقوم کے لئے ان کی خدمات تادیر یاد رکھی جائیں گی