خبردار ! جو والدین کی بےحرمتی کی ، نیا آرڈیننس جاری

تفصیلات کے مطابق حکومت نے والدین کے تحفظ کے لیے آرڈیننس جاری کردیا  ہے۔ آرڈیننس کے تحت والدین کو گھروں سے نکالنا قابل سزا جرم ہوگا۔والدین کو گھروں سے نکالنے پر ایک سال تک قید، جرمانہ یا دونوں سزائیں دی جائیں گی۔

آرڈیننس کے تحت گھر والدین کی ملکیت ہونے کی صورت میں والدین کو بچوں کوگھر سے نکالنے کا اختیار ہوگا۔والدین کے بچوں کو تحریری نوٹس دینے کی صورت میں گھر خالی کرنا لازمی ہوگا۔گھر بچوں کی ملکیت ہونے یا کرائے پر ہونے کی صورت میں بھی بھی والدین کو نہیں نکالا جاسکے گا۔

آرڈیننس کے مطابق وقت پر گھر خالی نہ کرنے کی صورت میں 30 دن تک جیل، جرمانہ یا دونوں سزاؤں کا اطلاق ہوگا۔بچوں کی جانب سے گھر نہ چھوڑنے کی صورت ضلعی ڈپٹی کمشنر کو کاروائی کا اختیار ہوگا۔ضلعی ڈپٹی کمشنر والدین کی جانب سے شکایت پر کاروائی کا مجاز ہوگا۔

والدین کی جانب سے شکایت موصول ہونے پر پولیس کو بغیر وارنٹ گرفتاری کا اختیار ہوگا۔آرڈیننس کے تحت گرفتار افراد کو مجسٹریٹ کے سامنے پیش کیا جائے گا۔آرڈیننس کے تحت والدین اور بچوں کو اپیل کا حق حاصل ہے۔