انگلش پریمیئر لیگ، میں نیوکاسل یونائیٹڈ نے سابق چیمپئن لیسٹر سٹی کو شکست دیدی

غیر ملکی خبر رساں ادارے کے مطابق برطانیہ میں فٹبال انگلش پریمیئر لیگ اختتامی مراحل میں داخل ہوگئی، تیسری پوزیشن پر موجود لیسٹر سٹی کا سامنا نیوکاسل یونائیٹڈ سے ہوا، سابق چیمپئن ٹیم لیسٹر سٹی اپنے ہوم گراؤنڈ پر بے بس نظر آئی، نیوکاسل نے پہلے ہی ہاف میں دو گول کرکے برتری حاصل کرلی۔

73ویں منٹ تک مہمان ٹیم نے مزید دو بار گیند کو جال میں پہنچادیا، جس سے سکور چار صفر ہوگیا۔

آخری دس منٹ میں لیسٹر سٹی نے دو گول کیے، جو فتح کے لیے ناکافی ثابت ہوئے، جس سے لیسٹر سٹی کی تیسری پوزیشن بھی خطرے میں پڑ گئی ہے۔