امریکہ جانے والوں کے لئے خوشخبری

امریکی ویزا کے حصول میں پاکستانیوں کے لیے خوشخبری، امریکا نے ویزا کی 3 کیٹیگریز میں اہم پیش رفت کااعلان کردیا، امریکی ویزا کے لیے اپائنٹمنٹ کے وقت میں کمی کردی گئی جبکہ 2024 میں طے شدہ اپائنٹمنٹ کو 2023 میں نمٹایا جائے گا۔

پاکستان میں امریکی سفارت خانے کے ترجمان کے مطابق پاکستان سے امریکی ویزوں کی طلب میں اضافے کے بعد امریکی مشن ماضی کی نسبت زیادہ سے زیادہ ویزا درخواستوں کو نمٹا رہا ہے۔

? ? Today, we’re announcing three steps to help bring down visa appointment wait times: tens of thousands of expedited appointments, flexible scheduling in either Islamabad or Karachi, and interview waiver applications for eligible applicants at the @usconsulatekhi. ?️ ? pic.twitter.com/W4mIZY4BnF

— U.S. Embassy Islamabad (@usembislamabad) September 19, 2023

درخواست گزاروں کی سہولت کے لیے 3 طریقوں سے کام کررہے ہیں، نان امیگرنٹ ویزا کے لیے ہزاروں درخواستوں پر عمل درآمد تیز کردیا گیا ہے، 2024 میں طے شدہ اپائنٹمنٹ کی مدت کو کم کرتے ہوئے وہ 2023 میں مقرر کی جا رہی ہیں، اُن میں سے بعض کی اپائنٹمنٹ اگلے ہفتے سے ہی طے ہو سکتی ہیں۔

سفر کے خواہاں پاکستانیوں اپنی اپائنٹمنٹ منسوخ کرنے کے بعد دوبارہ شیڈول کرسکتے ہیں، 25 ستمبر سے امریکی قونصل خانہ کراچی میں انٹرویو سے مستثنیٰ ایسے امیدواروں کی درخواستیں قبول کرنے کا سلسلہ شروع کیا جا رہا ہے جنہیں پہلے کراچی سے امریکی ویزا جاری کیا گیا تھا۔