عید کی تعطیلات کے دوران شہری گھروں میں رہیں، عثمان بزدار

وزیر اعلی پنجاب سردار عثمان بزدار کا کہنا ہے کہ  کورونا کی صورتحال کے پیش نظر پنجاب میں لاک ڈاؤن 16مئی تک جاری رہے گا،  صورتحال کا روزانہ جائزہ لے رہے ہیں اور عوام کی زندگیوں کو محفوظ بنانا پہلی ترجیح ہے۔

عثمان بزدار نے کہا کہ  عید تعطیلات کے دوران شہریوں کو مزید احتیاط کرنا ہوگی۔ باہر نکلتے وقت ماسک کی پابندی ہر شہری کے لئے لازم ہے۔ حکومتی گائیڈ لائنز پر عمل کرنے سے وباء کا پھیلاؤ روکنے میں مدد ملے گی۔انہوں نے کہا کہ  ایس او پیز پر عمل میں غیر ذمہ داری کا مظاہرہ وباء کے پھیلاؤ کا باعث بنے گا۔ عید کی تعطیلات کے دوران شہری گھروں میں رہیں،  گھر میں رہنے ہی میں آپ کی حفاظت ہے۔ مریضوں کے علاج معالجے کیلئے حکومت نے موثر اقدامات کئے ہیں۔