کراچی میں ماس ویکسینیشن سینٹر کا افتتاح کردیا گیا

تفصیلات کے مطابق کراچی میں ماس ویکسی نیشن سینٹر کا افتتاح کردیا گیا ہے۔ ایکسپو سینٹر میں قائم سینٹر چوبیس گھنٹےکام کرے گا اور  یومیہ تیس ہزار افراد کو ویکسین لگائی جائے گی۔

وزیر صحت سندھ عذرا پیچوہو نے ایکسپوسینٹر کراچی میں ماس ویکسینیشن سینٹر کا افتتاح کردیا۔ ویکسینیشن سینٹر 24 گھنٹے کام کرے گا ۔ جہاں ایک شفٹ میں 360 ہیلتھ کیئر ورکرز اپنی خدمات فراہم کریں گے اور یومیہ 30 ہزار تک افراد کو ویکسین لگائی جائے گی۔

ویکسینیشن سینٹر میں 6 بلاکس، 96 کیوبیکلز،اور 12 رجسٹریشن کاونٹرز ہیں۔ وزیر صحت سندھ نے بتایا  کہ  16 مئی سے 18 سال سے زائد عمر کے افراد کی ویکسینیشن شروع ہوجائے گی۔

ڈاکٹر عذرا پیچوہو کا کہنا تھا کہ وفاقی حکومت سے کہاہے ہمیں ویکسین فراہم کی جائے۔ سندھ حکومت پیسے دینے کو تیار ہے۔ انہوں نے عوام سے بھی کرونا ایس او پیز پر سختی سے عملدرآمد کرنے  اور لازمی ویکسین لگوانے کی اپیل کی ہے۔