کراچی کا موسم گرم اور مرطوب رہنے کا امکان

محکمہ موسمیات کے مطابق شہر میں سمندری ہوائیں منقطع، شمال مغرب کی سمت سےگرم ہوا15کلو میٹر فی گھنٹہ کی رفتار سےچل رہی ہے، کراچی کی ہوا میں نمی کا تناسب 54 فیصد ہے۔  آج کم سے کم درجہ حرارت 28 ڈگری سینٹی گریڈ ریکارڈ کیا گیا۔شہر کا زیادہ سے زیادہ درجہ حرارت 36 سے 38 ڈگری سینٹی گریڈ کے درمیان رہنے کا امکان ہے۔محکمہ موسمیات کے مطابق  مرطوبیت زیادہ ہونے سے درجہ حرارت دو ڈگری زیادہ محسوس کیا جا سکتا ہے۔

محکمہ موسمیات نے ملک بھر میں آئندہ 12 گھنٹوں کے دوران موسم گرم اور خشک رہنے کی پیش گوئی کی ہے ۔ محکمہ موسمیات کے مطابق ، ملک کے بیشتر علاقوں میں گرم اور خشک موسم  رہنے کا امکان ہے جبکہ شمال مشرقی علاقوں میں مختلف  مقامات پرموسم  ابر آلود ہونے کا امکان   ہے۔